THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

MICHUZI TV: RAIS DKT MAGUFULI APOKEA HATI ZA UTAMBULISHO ZA MABALOZI SITA IKULU JIJINI DAR LEO





  Rais wa Jamhuri ya Muungano wa Tanzania Dkt. John Pombe Magufuli akipokea  hati ya utambulisho toka kwa balozi mpya wa Nigeria nchini Mhe. Mhe.Sahabu Isah Gada  Ikulu jijini Dar es salaam leo Januari 16, 2018.
  Rais wa Jamhuri ya Muungano wa Tanzania Dkt. John Pombe Magufuli akipokea  hati ya utambulisho toka kwa balozi mpya wa Poland nchini Mhe. Krysztof Buzalski Ikulu jijini Dar es Salaam leo.
 Rais wa Jamhuri ya Muungano wa Tanzania Dkt. John Pombe Magufuli akipokea hati ya utambulisho toka kwa balozi mpya wa Uturuki nchini Mhe. Ali Davutoglu Ikulu jijini Dar es salaam leo Alhamisi 16, 2018.
.
 Rais wa Jamhuri ya Muungano wa Tanzania Dkt. John Pombe Magufuli akipokea hati ya utambulisho toka kwa balozi mpya wa Ufaransa mchini Mhe. Frederic Clavier  Ikulu jijini Dar es salaam leo Januari 16, 2018.
 Rais wa Jamhuri ya Muungano wa Tanzania Dkt. John Pombe Magufuli akipokea  hati ya utambulisho toka kwa balozi mpya wa Israel hap  nchini Mhe. Noah Gal Gendler  Ikulu jijini Dar es salaam leo Januari 16, 2018.
 Rais wa Jamhuri ya Muungano wa Tanzania Dkt. John Pombe Magufuli akipokea  hati ya utambulisho toka kwa balozi mpya wa Australia nchini Mhe. Alison Chartres Ikulu jijini Dar es salaam leo Januari 16, 2018.







Rais wa Zanzibar Dk. Shein Azungumza na Wenyeviti wa Jumuiya za Chama cha Mapimduzi

 RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akizungumza na Mwenyekiti wa Jumuiya ya Wazazi Tanzania Dkt. Mndolwa Bernad Edmund alipofika Ikulu Zanzibar kwa mazungumza na kujitambulisha baada ya kuchaguliwa kuchukua nafasi hiyo kuiongoza kwa kipindi cha miaka mitano.(Picha Ikulu)
 RAIS wa Zanzibar na Mwenyekiti wa Baraza la Mapinduzu Dk. Ali Mohamed akiwa na mgeni wake Mwnyekiti wa Jumuiya ya Wazazi Tanzania Dkt. Mndolwa Bernad Edmund, akimshindikiza baada ya mazungumzo yao yaliofanyika Ikulu Zanzibar alipofika kujitambulisha.
 RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akimsikiliza Kaimu Katibu Mkuu wa UVCCM Shaka Hamdu Shaka, akitowa maelezo na kumtambulisha Mwenyekiti wa UVCCM Taifa Kheri James walipofika kwa mazungumzo na kujitambulisha Ikulu Zanzibar leo.
 RAIS wa Zanzibar na Mwenyekiti wa Baraza la Mapinduzi, Dk. Ali Mohamed Shein akiwa katika picha ya pamoja na Viongozi wa Kitaifa wa UVCCM, baada ya mazungumzo yao na kujitambulisha Ikulu Zanzibar.
 RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein akizungumza na Makamu Mwenyekiti wa Jumuiya ya Wazazi Tanzania (UWT) Thuwaiba Editon Kisasi alipofika Ikulu Zanzibar kwa mazungumzo na kujitambulisha leo.
RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akiwa katika picha ya pamoja na Viongozi wa Jumuiya ya Umoja wa Wanawake Tanzania, baada ya mazungumzo yao yaliofanyika Ikulu Zanzibar walipofika kujitambulisha.(Picha Ikulu)  


POLISI KANDA MAALUM YAWAONYA WALIOPATA MSAMAHA WA RAIS


Michuzi TV: HARUSI YA SHILOLE YATIKISA..


MPIGIE KURA LADY JAYDEE NA WASANII WENGINE WASHINDE

Piga kura kwa kufungua website hii, 
kisha fuata maelekezo:
https://www.amiawardsafrika.com/pc-nominees


MICHUZI TV: WANAOTUHUMIWA KUJIUNGANISHIA BOMBA LA MAFUTA WAFIKISHWA MAHAKAMANI


 Na Karama Kenyunko, Blogu ya jamii.

WATU saba akiwemo aliyekuwa fundi wa bomba la mafuta la Tazama, Samwel Nyakirang'ani (63) wamefikishwa katika Mahakama ya Hakimu Mkazi Kisutu wakikabiliwa na mashtaka saba ya uhujumu uchumi kwa kujiunganishia bomba la mafuta.

Nyakirang'ani anashtakiwa pamoja na Mwalimu wa Shule ya Msingi ya Ufukoni, Nyangi Matoro (54), washtakiwa wengine,
Mfanyabiashara Farijia Ahmed (39), Malaki Mathias (39), Kristomsi Angelusi(25), Henry Fredrick (38) na fundi ujenzi Pamfili Nkoronko(40).
Washtakiwa wamesomewa mashtaka yao leo mahakamani hapo na Wakili wa Serikali  Tulumanywa Majigo akisaidiana na Wakili wa Serikali Mkuu Peter Maugo mbele ya Hakimu Mkazi Mkuu,Thomas Simba.Wanadaiwa kutenda makosa yanayowakabili chini ya sheria petrol kinachoenda pamoja na sheria ya uhujumu uchumi.

Akiwasomea hati ya mashtaka, Wakili Majigo alidai kuwa kosa la kwanza ni kujiunganishia isivyo halali katika bomba la mafuta ya Dizeli.

Imedaiwa, washtakiwa wote  katika tarehe tofauti kati ya mwaka 2015 na Januari 8, mwaka huu, huko maeneo ya Tungi Muungano katika Wilaya ya  Kigamboni jijini Dar es Salaam walijiunganishia bomba la upana wa inchi moja kwenye bomba la inchi 24 la  diesel material yasiyoshika kutu bila kuwa na kibali cha Mamlaka ya Bandari Tanzania (TPA).
Katika shtaka jingine la kuharibu miundombinu ( kifaa kinachotumika kwa ajili ya utoaji huduma muhimu)  imedaiwa katika tarehe na maeneo hayo hayo, washtakiwa kwa pamoja walitoboa na kuharibu bomba la Inchi 24 linalotumika kusambaza mafuta ya Dizeli mali ya TPA.

Washtakiwa hao wanadaiwa pia kuwa, kati ya 2015 na January 8, 2018 maeneo ya Tungi Kigamboni, walitoboa bomba la inchi 28 la mafuta linalotumika kwa ajili ya usambazaji wa  Crude Oil likiwa ni mali ya TPA.

Baada ya kusomewa mashtaka hayo, Wakili Majigo alidai Mkurugenzi wa Mashtaka (DPP) amewasilisha hati ya kuzuia dhamana kwa washtakiwa hao.
Washtakiwa hawaruhusiwi kujibu lolote kwa kuwa kesi inayowakabili ni ya uhujumu Uchumi ma imeahirishwa hadi Januari 30,2018. Kwa mujibu wa upande wa mashtaka, upelelezi bado haujakamili, washtakiwa wamerudishwa rumande.


SALAMU ZA PONGEZI KUTOKA KWA DKT. MWAKYEMBE



WAHUJUMU WA MIRADI YA MAJI MARA KUCHUKULIWA HATUA-MAJALIWA

WAZIRI MKUU Kassim Majaliwa amesema Serikali itawachukulia hatua watendaji wote watakaobainika kuhujumu ujenzi wa miradi ya maji mkoani Mara.

Hatua hiyo imetokana na kutoridhishwa na utekelezwaji wa ujenzi miradi ya maji katika baadhi ya halmashauri za mkoa huo,hivyo kuwacheleweshea wananchi kupata huduma hiyo.

Waziri Mkuu ameyasema hayo leo (Jumanne, Januari 16, 2018) wakati alipokagua mradi wa maji wa Utegi uliopo katika kijiji cha Mika wilayani Rorya.Amesema Serikali inatekeleza Kampeni ya Rais Dkt. John Magufuli ya kumtua mama ndoo. Kampeni hiyo inalenga kuwaondolea wananchi tatizo la upatikanaji wa huduma ya maji safi na salama.

Waziri Mkuu amesema malengo ya kampeni hiyo ni kuwafikishia wananchi huduma ya maji safi na salama katika umbali usiozidi mita 400 kutoka kwenye makazi yao.“Nitafuatilia katika maeneo yote ili kujua kama kiasi cha fedha kilichotolewa kwa ajili ya kugharamia miradi mbalimbali ya maji kinalingana na thamani halisi ya miradi husika.”

Waziri Mkuu amesema anakerwa na Halmashauri ya wilaya ya Rorya kutosimamia vizuri miradi ya maji inayotekelezwa katika wilaya hiyo, ikiwa ni pamoja na kutozingatia sheria.Wakati huo huo Waziri Mkuu amewataka watumishi wote wa Halmashauri ya wilaya ya Rorya wanaoshi wilayani Tarime wawe wamehamie Rorya ifikapo Februari 15, 2018.

“Atakayeng’ang’ania kuishi Tarime hadi siku hiyo atakuwa amejiondoa kazini mwenyewe. Lazima watumishi wote waishi kwenye vituo vyao vya kazi Rorya ili waweze kutekeleza majukumu yao ipasavyo.”

Pia Waziri Mkuu aliwataka wananchi wa wilaya hiyo kutojihusisha na vitendo vya kihalifu ikiwemo ulimaji wa bangi pamoja na uvuvi haramu na badala yake wafanye shughuli halali za kuwaingizia vipato.

IMETOLEWA NA:
OFISI YA WAZIRI MKUU
JUMANNE, JANUARI 16, 2017.

Waziri Mkuu, Kassim Majaliwa akizungumza na Nati Hassan mmoja wa wazazi waliojifungua wakati alipotembelea wodi ya wazazi ya Kituo cha Afya cha Kinesi wilayani Rorya Januari 16, 2018.
Waziri Mkuu, Kassim Majaliwa akizungumza na wananchi baada ya kukagua Kituo cha Afya cha Kinesi wilayani Rorya Januari 16, 2018. Kulia kwake ni Mkuu wa Mkoa wa Mara, Adam Malima. 
Waziri Mkuu, Kassim Majaliwa kizungumza na mwanafunzi wa Kidato cha Kwanza katika Shule ya Sekondari ya Nyamungo wilayani Rorya, Juma Wilfred baada ya kuzungumza na wananchi wakati alipokagua ujenzi wa Kituo cha Afya cha Kinesi Januari 16, 2018. 
Waziri Mkuu, Kassim Majaliwa akizungumza na Mkuu wa Kituo cha wilaya cha Kipolisi cha Kinesi wilayani Rorya, SSP Juma Wilfred Majula (wapili kushoto) wakati alipotembelea kituo hicho na kuvutiwa na juhudi ziizofanywa na Mkuu huyo wa Polisi za kujenga kituo hicho bila kusubiri fedha za serikali Januari 16, 201.. Waziri Mkuu aliendesha harambee ya papo kwa papo na kufanikiwa kupata shilingi milioni 20 za kumalizia jengo jipya la kituo hicho. Wapili kulia ni Mkuu wa Mkoa wa Mara, Adam Malima na kushoto ni Kamanda wa Polisi wa Kanda Maalum ya Kipolisi ya Tarime na Rorya, David Mwaibambe.(Picha na Ofisi ya Waziri Mkuu) 
Waziri Mkuu, Kassim Majaliwa akiwasalimia wananchi wa Utegi wilayani Rorya wakati alipolazimika kuasimama baada ya kuona umati mkubwa watu waliokuwa na shauku ya kumuona na kuksikiliza Januari 16, 2018.


MICHUZI TV: YANGA YAMNYOOSHEA KIDOLE MZEE AKILIMALI, YASEMA ANAWARUDISHA MWAKA 1947


SUALA LA AUGUSTINO MREMA LAFIKA POLISI KANDA MAALUM


KAMATI ZA KUDUMU ZA BUNGE ZA VIWANDA, BIASHARA NA MAZINGIRA NA KAMATI YA UWEKEZAJI WA MITAJI YA UMMA( PIC) WAENDELEA NA VIKAO VYAKE LEO MJINI DODOMA.

 Makamu Mwenyekiti wa Kamati ya Uwekezaji wa Mitaji ya Umma (PIC), Mheshimiwa Lolensia Bukwimba akizungumza katika kikao cha Kamati hiyo ambapo imekutana na uongozi wa Taasisi ya Tiba ya Moyo ya Jakaya Kikwete (JKCI)  kwa ajili ya kujadili na kuchambua Taarifa ya Msajili wa Hazina kuhusu uwekezaji na utendaji wa Taasisi hiyo. Kikao hicho kimefanyika leo katika Ofisi za Bunge Mjini Dodoma.
 Wajumbe wa Kamati ya Uwekezaji wa Mitaji ya Umma (PIC) wakiwa  katika kikao cha Kamati hiyo ambapo imekutana na uongozi wa Taasisi ya Tiba ya Moyo ya Jakaya Kikwete (JKCI)  kwa ajili ya kujadili na kuchambua Taarifa ya Msajili wa Hazina kuhusu uwekezaji na utendaji wa Taasisi hiyo. Kikao hicho kimefanyika leo katika Ofisi za Bunge Mjini Dodoma.
 Mkurugenzi Mtendaji wa Taasisi ya Tiba ya Moyo ya Jakaya Kikwete (JKCI), Profesa Mohamed Janabi  akijibu hoja za wajumbe wa Kamati ya Uwekezaji wa Mitaji ya Umma (PIC)wakati Kamati ilipokutana na Taasisi hiyo  kwa ajili ya kujadili na kuchambua Taarifa ya Msajili wa Hazina kuhusu uwekezaji na utendaji wa Taasisi hiyo.kulia ni Mwenyekiti wa Bodi ya Udhamini ya JKCI, Profesa William Mahalu. Kikao hicho kimefanyika leo katika Ofisi za Bunge Mjini Dodoma.
 Wajumbe wa Kamati ya Bunge ya Viwanda, Biashara na Mazingira wakiwa katika kikao cha Kamati hiyo ambapo leo walikuwa wakijadili ya Wizara ya Viwanda, Biashara na Uwekezaji kuhusu utekelezaji wa majukumu ya Shirikisho la wenye Viwanda Nchini (CTI).Kikao hicho kimefanyika katika Ofisi za Bunge Mjini Dodoma.
Mwenyekiti wa Kamati ya Bunge ya Bunge ya Viwanda, Biashara na Mazingira Mheshimiwa Sadiq Murad akikisitiza jambo katika kikao cha Kamati hiyo ambapo leo walikuwa wakijadili ya Wizara ya Viwanda, Biashara na Uwekezaji kuhusu utekelezaji wa majukumu ya Shirikisho la wenye Viwanda Nchini (CTI).Kikao hicho kimefanyika katika Ofisi za Bunge Mjini Dodoma. PICHA NA OFISI YA BUNGE


YANGA ,MWADUI FC KUVAANA KESHO UWANJA WA UHURU

Na Agness Francis-Globu ya jamii

TIMU Soka ya Yanga inatarajia kushuka dimbani kesho kuvaana na timu ya Mwadui Fc katika mchezo wa raundi ya 13 ya mzunguko wa kwanza wa Ligi Kuu Vodavom Tanzania Bara. 

Mchezo huo utachezwa saa 10 jioni Uwanja wa Uhuru Dar es Salaam maarufu la Shamba la Bibi.Katika mechi ya raundi ya 12 Yanga walipoteza mchezo wao dhidi ya Mbao FC uliochezwa jijini Mwanza katika Uwanja wa CCM Kirumba 

Mabingwa hao watetezi watashuka dimbani huku wakimkosa mshambuliaji wake wa kimataifa kutoka nchini Zambia Obrey Chirwa aliyefungiwa mechi tatu na Kamati ya Nidhamu ya TFF. Pia watamkosa mshambuliaji wao kutoka Zimbabwe Donard Ngoma ambaye bado hajawa fiti. 

Akizungumzia maandalizi ya mchezo huo leo jijini Dar es Salaam, Katibu Mkuu wa Klabu ya Yanga Boniphace Mkwasa amesema maandalizi ni mazuri na wanajua mchezo huo utakuwa mgumu.

“Tumejipanga kupambana kuhakikisha tunashinda mchezo wetu wa kesho,” amesisitiza Mkwasa.


TAARIFA TOKA JESHI LA POLISI MKOA WA MWANZA


YANGA ,MWADUI FC KUVAANA KESHO UWANJA WA UHURU, DAR ES SALAAM

Na Agness Francis,Globu ya jamii 
 TIMU Soka ya Yanga inatarajia kushuka dimbani kesho kuvaana na timu ya Mwadui FC katika mchezo wa raundi ya 13 ya mzunguko wa kwanza wa Ligi Kuu Vodavom Tanzania Bara. Mchezo huo utachezwa saa 10 jioni Uwanja wa Uhuru Dar es Salaam maarufu kama Shamba la Bibi.
Katika mechi ya raundi ya 12 Yanga walipoteza mchezo wao dhidi ya Mbao FC uliochezwa jijini Mwanza katika Uwanja wa CCM Kirumba Mabingwa hao watetezi watashuka dimbani huku wakimkosa mshambuliaji wake wa kimataifa kutoka nchini Zambia Obrey Chirwa aliyefungiwa mechi tatu na Kamati ya Nidhamu ya TFF. 
Pia watamkosa mshambuliaji wao kutoka Zimbabwe Donard Ngoma ambaye bado hajawa fiti. Akizungumzia maandalizi ya mchezo huo leo jijini Dar es Salaam, Katibu Mkuu wa Klabu ya Yanga Charles Boniphace Mkwasa amesema maandalizi ni mazuri na wanajua mchezo huo utakuwa mgumu. “Tumejipanga kupambana kuhakikisha tunashinda mchezo wetu wa kesho,” amesisitiza Mkwasa.


Mwadui FC
Yanga


WAZIRI WA AFYA ALIDHISHWA NA HUDUMA HOSPITALI YA AMANA LICHA YA CHANGAMOTO YA UPUNGUFU WA MADAKTARI

Na Humphrey Shao, Globu ya Jamii 

WAZIRI  wa Afya, Maendeleo ya Jamii, Jinsia,Wazee na Watoto,Ummy Mwalimu  amesema kuwa kuna changamoto ya uhaba wa madaktari katika Hospitali ya Rufaa ya Amana jijini Dar es Salaam kutokana na idadi kubwa ya wagonjwa wanaofika kwa ajili ya kupata huduma katika hospitali hiyo.

Ametoa kauli hiyo leo wakati anamalizia ziara yake kwenye hospitali hiyo ambapo amesema pamoja na kuridhishwa na huduma ambazo madaktari wanazitoa kwa wagonjwa katika hospitali hiyo lakini bado kuna changamoto ya uhaba wa madaktari.
"Nimeridhishwa na huduma katika hospitali hii na nimpongeze Mganga Mfawidhi na uongozi  wa Wilaya  kwa kazi nzuri wanayoifanya licha ya kwamba bado tunafahamu kuna changamaoto katika sekta ya afya.

"Madaktari wa Amana kwa siku wanahudumia wagonjwa 800 , hivyo tunachangamoto ya uhaba wa madaktari na kwa kuwa kuna nafasi za ajira 52,000 zimetangazwa tunaamini sekta ya afya tutapewa mgao unaostaili ili tuwe na wataalamu wa masuala ya afya wa kutosha,"amesema Waziri Mwalimu.Mbali ya changamoto ya uhaba wa madaktari, Waziri Mwalimu ameendelea kuwasisitiza wagonjwa umuhimu wa kuwa na kadi za bima ya afya kwani humfanya anayekuwa nayo kuwa na uhakika wa kupata matibabu kwa gharama nafuu.

"Ifike wakati kila mwananchi awe na kadi ya bima ya afya kwani milango imefunguka na kilichobaki ni kuendelea kuona umuhimu wa kuwa nayo,"amesema Waziri Mwalimu.Wakati huohuo ametoa onyo kwa watumishi wote wa hospitali za Serikali ambao watabainika kujihusisha na tabia ya kuuza dawa ambazo zimetolewa na Bohari ya Dawa(MSD)ambazo zinatolewa bure waache mara moja.
 Waziri wa Afya Maendeleo ya Jamii Jinsia Wazee na Watoto,Ummy Mwalimu  akizungumza na wagonjwa waliofika katika Hospitali ya Rufaa ya Amana kwa ajili ya kupatiwa matibabu wakati alipofanya ziara ya kukagua hospitali hizo mara baada ya Rais Dk John Pombe Magufuli kuagiza Hospitali hizo zianze kusimamiwa na Wizara ya Afya.
 Mganga Mkuu wa Hospitali ya Rufaa Amana, Dr Meshack Shimwela  akitoa maelezo kwa Waziri wa Afya Maendeleo ya Jamii Jinsia Wazee na Watoto,Ummy Mwalimu

Waziri wa Afya Maendeleo ya Jamii Jinsia Wazee na Watoto,Ummy Mwalimu  akikagua Dawa zilizopo katika Bohari ya Dawa ya Hospitali ya Rufa aya Amana Jijini Dar es Salaam.

Waziri wa Afya Maendeleo ya Jamii Jinsia Wazee na Watoto,Ummy Mwalimu  akizungumza na Madaktari ndani ya Wodi ya watoto katika Hospitali ya Amana.


RAIS DKT JOHN MAGUFULI APOKEA HATI ZA UTAMBULISHO ZA MABOLOZI SITA IKULU DSM


BAYIMBA INTERNATIONAL FESTIVAL in Kampala, Uganda, set for new location!


Time for change!
After 10 years in the city centre of Kampala it is time for change. In 2018, the Bayimba International Festival will move from its traditional location at the National Theatre in Kampala to a spacious new home in the midst of a leafy environment at the shores of Lake Victoria.
“We have been thinking about the long-term viability of the festival so that we can continue to go on for another 10 years. We have been exploring different approaches to sustain our annual festival and are extremely excited to have been able to acquire an amazing location,” says festival director Faisal KIWEWA.
The immediate advantage of the new location includes on-site parking, which will eliminate this logistical challenge faced thus far, as well as room for on-site accommodation. Artistic programming will also benefit from the new space, with plenty of room to spread out and an inspirational environment that lends itself for some innovative design and layout, a great opportunity to refresh and revitalise what the festival has been offering its fans.
The festival will however stay truthful to its promise to stimulate and inspire creativity, innovation and collaboration, and thus to contribute to developing the arts sector at large. “In terms of programming we will be very similar to what our audiences are used to – exciting multi-arts programming at various stages for people from all ages and strata – just in a different location with more breathing room,” underlines Faisal KIWEWA.



RAIA WAWILI WA INDIA WAHUKUMIWA KIFUNGO CHA MIAKA MIWILI JELA

Na Karama Kenyunko, Blogu ya jamii.

MAHAKAMA ya Hakimu Mkazi Kisutu Dar es Salaam imewahukumu raia wawili wa India kutumikia kifungo cha kwenda jela miaka miwili ama kulipa faini ya Sh.milioni 64.

Hukumu hiyo ni baada ya kukiri mashtaka saba yaliyokuwa yakiwakabili likiwemo la kuipatia Serikali hasara ya zaidi ya Sh.milioni  694.

Mahakama pia imewaamuru wafungwa hao Kalrav Patel na Kamal Ashar kulipa Sh.milioni 694 ambazo waliisababishia hasara Mamlaka ya Mawasiliano Tanzania(TCRA).

 Hakimu Mkazi Mkuu, Wilbard Mashauri ametoa huku hiyo leo ambapo amesema mahakama hiyo imewatia hatiani washtakiwa hao katika makosa saba ya uhujumu uchumi.

Akisoma hukumu hiyo, Hakimu Mashauri amesema katika kosa la kwanza la kula njama, washtakiwa wanahukumiwa kwenda jela miezi 12 ama kulipa faini ya Sh.milioni 2 kwa kila mmoja.

Aidha katika kosa la pili hadi la saba, Hakimu Mashauri amesema wafungwa  hao  wamehukumiwa kwenda jela miaka 2 ama kulipa faini ya Sh.milioni 5 kwenye kila kosa kwa kila mshtakiwa.

Pia Mahakama hiyo imesema vyombo vyote ambavyo wafungwa hao walivitumia katika kuingilia miundombinu ya TCRA vimetaifishwa na Serikali.

Pia imeelezwa wakiwa maeneo ya Dar es Salaam na Zanzibar walikula njama ya kutaka kusafirisha vifaa vya mawasiliano bila kibali.

Ilidaiwa katika kipindi hicho mwaka 2015, washtakiwa hao walisafirisha vifaa vya mawasiliano kinyume na sheria za TCRA .

Mbali na mashtaka hayo pia wanakabiliwa na shtaka la kuingiza, kusimika nchini kifaa cha mawasiliano aina ya Voice Over internet protocol (Coop) na kukitumia bila ya kuthibishwa, na kusababisha hasara ya Sh.mil 694 kwa TCRA.


MICHUZI TV: RC MAKONDA APONGEZA KASI YA MATENGENEZO MAGARI YA POLISI, MAGEREZA, JWTZ


KAMATI ZA KUDUMU ZA BUNGE ZA ZAENDELEA NA VIKAO VYAKE LEO MJINI DODOMA.

 Makamu Mwenyekiti wa Kamati ya Uwekezaji wa Mitaji ya Umma (PIC), Mheshimiwa Lolensia Bukwimba akizungumza katika kikao cha Kamati hiyo ambapo imekutana na uongozi wa Taasisi ya Tiba ya Moyo ya Jakaya Kikwete (JKCI)  kwa ajili ya kujadili na kuchambua Taarifa ya Msajili wa Hazina kuhusu uwekezaji na utendaji wa Taasisi hiyo. Kikao hicho kimefanyika leo katika Ofisi za Bunge Mjini Dodoma.
 Wajumbe wa Kamati ya Uwekezaji wa Mitaji ya Umma (PIC) wakiwa  katika kikao cha Kamati hiyo ambapo imekutana na uongozi wa Taasisi ya Tiba ya Moyo ya Jakaya Kikwete (JKCI)  kwa ajili ya kujadili na kuchambua Taarifa ya Msajili wa Hazina kuhusu uwekezaji na utendaji wa Taasisi hiyo. Kikao hicho kimefanyika leo katika Ofisi za Bunge Mjini Dodoma.
 Mkurugenzi Mtendaji wa Taasisi ya Tiba ya Moyo ya Jakaya Kikwete (JKCI), Profesa Mohamed Janabi  akijibu hoja za wajumbe wa Kamati ya Uwekezaji wa Mitaji ya Umma (PIC)wakati Kamati ilipokutana na Taasisi hiyo  kwa ajili ya kujadili na kuchambua Taarifa ya Msajili wa Hazina kuhusu uwekezaji na utendaji wa Taasisi hiyo.kulia ni Mwenyekiti wa Bodi ya Udhamini ya JKCI, Profesa William Mahalu. Kikao hicho kimefanyika leo katika Ofisi za Bunge Mjini Dodoma.
 Wajumbe wa Kamati ya Bunge ya Viwanda, Biashara na Mazingira wakiwa katika kikao cha Kamati hiyo ambapo leo walikuwa wakijadili ya Wizara ya Viwanda, Biashara na Uwekezaji kuhusu utekelezaji wa majukumu ya Shirikisho la wenye Viwanda Nchini (CTI).Kikao hicho kimefanyika katika Ofisi za Bunge Mjini Dodoma.
Mwenyekiti wa Kamati ya Bunge ya Bunge ya Viwanda, Biashara na Mazingira, Mheshimiwa Sadiq Murad akikisitiza jambo katika kikao cha Kamati hiyo ambapo leo walikuwa wakijadili ya Wizara ya Viwanda, Biashara na Uwekezaji kuhusu utekelezaji wa majukumu ya Shirikisho la wenye Viwanda Nchini (CTI).Kikao hicho kimefanyika katika Ofisi za Bunge Mjini Dodoma.

(PICHA NA OFISI YA BUNGE)


MAJALIWA AZUNGUMZA NA WANANCHI WA MJI MDOGO WA SHIRATI

Waziri Mkuu, Kassim Majaliwa akiwasalimia wananchi wa mji mdogo wa Shirati wilayani Rorya  akiwa katika ziara a mkoa wa MKara Januari 16. 2018. (Picha na Ofisi ya Waziri Mkuu)


DK. KIGWANGALLA APONGEZA USHIRIKIANO WA FINLAND KATIKA UHIFADHI WA MISITU NCHINI

Na Hamza Temba - Dodoma

WAZIRI wa Maliasili na Utalii, Mhe. Dk. Hamisi Kigwangalla ameipongeza Serikali ya Finland kwa ushirikiano na misaada mbalimbali ambayo imekuwa ikiitoa kuunga mkono juhudi za Serikali katika uhifadhi wa maliasili na uendelezaji wa misitu nchini.

Dk. Kigwangalla ametoa pongezi hizo leo Januari 16, 2018 kwa Balozi wa nchi hiyo hapa nchini, Mhe. Peka Huka ambaye amemtembelea ofisini kwake mjini Dodoma kwa ajili ya kujitambulisha na kujadili mambo mbalimbali ya kuimarisha uhusiano baina ya nchi hizo katika uhifadhi na maendeleo ya misitu nchini.

“Napenda kutoa pongezi zangu za dhati kwa Serikali ya Finland,  mmekuwa washirika wetu wakubwa wa maendeleo kwa muda mrefu ambao mmetusaidia mambo mbalimbali ikiwemo kuendeleza misitu nchini, kuendeleza Chuo cha Mafunzo ya Misitu Olmotonyi na hata mapitio ya Sera ya Taifa ya Misitu ya mwaka 1998, ni matumaini yetu kuwa mtaendelea kudumisha ushirikiano huu”, alisema Dk. Kigwangalla.

Alimueleza balozi huyo kuwa Tanzania inakabiliwa na changamoto mbalimbali katika uhifadhi wa misitu nchini ikiwemo uhaba wa rasilimali fedha na teknolojia kwa ajili ya kuwezesha uhifadhi endelevu. Alisema changamoto nyingine ni uvunaji haramu wa mazao ya misitu ambayo husababisha eneo la hekta 372,000 za misitu kupotea kila mwaka.
Waziri wa Maliasili na Utalii, Mhe. Dk. Hamisi Kigwangalla (kulia) akizungumza na Balozi wa Finland hapa nchini, Mhe. Peka Huka ofisini kwake mjini Dodoma leo alipotembelewa na balozi huyo kwa ajili ya kujitambulisha na kujadili mambo mbalimbali ya kuimarisha ushirikiano baina ya nchi hizo katika uhifadhi na uendelezaji wa misitu nchini. 
 Waziri wa Maliasili na Utalii, Mhe. Dk. Hamisi Kigwangalla (kulia) akimkaribisha Balozi wa Finland hapa nchini, Mhe. Peka Huka ofisini kwake mjini Dodoma leo alipotembelewa na balozi huyo kwa ajili ya kujitambulisha na kujadili mambo mbalimbali ya kuimarisha ushirikiano baina ya nchi hizo katika uhifadhi na uendelezaji wa misitu nchini.
 Waziri wa Maliasili na Utalii, Mhe. Dk. Hamisi Kigwangalla (kulia) akizungumza na Balozi wa Finland hapa nchini, Mhe. Peka Huka ofisini kwake mjini Dodoma leo alipotembelewa na balozi huyo kwa ajili ya kujitambulisha na kujadili mambo mbalimbali ya kuimarisha ushirikiano baina ya nchi hizo katika uhifadhi na uendelezaji wa misitu nchini.

HABARI ZAIDI BOFYA HAPA


BITEKO AWATAKA STAMICO KUTATHIMINI UTENDAJI WAO


Na Chalila Kibuda, Globu ya Jamii

NAIBU Waziri wa Madini, Dotto Biteko amelitaka Shirika la Taifa la Madini (Stamico) kujitathini kuhusu utendaji wao wa kazi kwa Taifa kutokana na kuwa deni kubwa kuliko uzalishaji wa shirika hilo.

Biteko ametoa kauli hiyo alipotembelea Shirika la Taifa la Madini (Stamico) leo, Dar es Salaam,ambapo amesema Stamico imekuwa na madeni yanayofanya kudidimiza shirika kutokana na miradi wanayoiendesha ya uchimbaji kushindwa kuzalisha faida.

Amesema baada ya watu kujua changamoto sasa ndio wameona sehemu kujengea hoja katika taarifa mbalimbali.Biteko amesema Stamico ilitakiwa kuwa sehemu ya kujifunzia kwa wachimbaji wadogo lakini wachimbaji wadogo hawawezi kufika Stamico kwa sababu hakuna cha kujifunza.

Stamico inadeni zaidi ya Sh.bilioni moja pamoja na deni la Stamigold la Sh.bilioni 54 na Serikali inatakiwa kulipa deni hilo na kuacha kununua madawati katika shule.Biteko amesema kuwa kunahitajika kuwepo ubunifu kwa Stamico kwa kujiona wana kazi ya ziada ya kusaidia Taifa kupiga hatua.

Kaimu Mkurugenzi Mkuu wa Stamico, Alex Rutagwelela amesema kuwa maagizo watayafanyia kazi katika uendeshaji wa shirika hilo.
Naibu Waziri wa Wizara ya Madini Mhe Dotto Mashaka Biteko akisitiza jambo wakati akizungumza na Uongozi pamoja na watumishi wa Shirika la Madini la Taifa (STAMICO) Mtaa wa Upanga Jijini Dar es salaam, Leo 16 Januari 2018. Picha Zote Na Mathias Canal
Naibu Waziri wa Wizara ya Madini Mhe Dotto Mashaka Biteko akikagua mtambo wa uchongaji mashimo kwa ajili ya utafiti wakati alipotembelea Shirika la Madini la Taifa (STAMICO) Mtaa wa Upanga Jijini Dar es salaam, Leo 16 Januari 2018.
Naibu Waziri wa Wizara ya Madini Mhe Dotto Mashaka Biteko akisitiza wakati wa kikao cha pamoja na Uongozi pamoja na watumishi wa Shirika la Madini la Taifa (STAMICO) Mtaa wa Upanga Jijini Dar es salaam, Leo 16 Januari 2018.
Naibu Waziri wa Wizara ya Madini Mhe Dotto Mashaka Biteko akisitiza wakati wa kikao cha pamoja na Uongozi pamoja na watumishi wa Shirika la Madini la Taifa (STAMICO) Mtaa wa Upanga Jijini Dar es salaam, Leo 16 Januari 2018.
Naibu Waziri wa Wizara ya Madini Mhe Dotto Mashaka Biteko akiwa katika picha ya  pamoja na Uongozi wa Shirika la Madini la Taifa (STAMICO) Mtaa wa Upanga Jijini Dar es salaam, Leo 16 Januari 2018.